Wiel di Boeing 737 di Avior Airlines a kibra net ora di aterizahe na Bogota

admin
Site Admin
Mensajes: 437
Registrado: Dom Sep 01, 2019 4:07 am

Wiel di Boeing 737 di Avior Airlines a kibra net ora di aterizahe na Bogota

Mensaje sin leer por admin » Mar Nov 26, 2019 1:43 am

ORANJESTAD (AAN): Un avion Boeing 737 di Avior Airlines cu 88 pasahero abordo, a sufri un dificultad tecnico grave na su tren di aterizahe, ora cu e vuelo procedente di Valencia (Venezuela) a caba di baha riba pista di aterizahe di Aeropuerto El Dorado na Bogota. Esaki a socede Diasabra atardi.

E agencia di noticia ruso, RT, a bisa cu ora di a baha, e wielnan di banda drechi di e avion a kibra, y esey a pone e avion a bay di banda y a keda lastra e motor di e hala riba e pista. Esaki a keda lastra y a produci cantidad di chispa, y esey a spanta e pasaheronan te cu nan a pensa cu e lo bay explota.

Ora cu e avion a stop, tur pasahero a wordo evacua pa seguridad, mientras cu Crash Trucks di Bombero a bay na e avion y a basha esaki cu foam pa evita cu e pega candela. Den e minuutnan di evacuacion, varios pasahero a ricibi lesion chikito.

A cuminza cu un investigacion pa determina e causa di loke a socede. Aunke ultimo tempo tin hopi indicacion cu aerolineanan Venezolano tin problema serio pa haya pieza pa mantene y drecha avionnan, debi na scarcedad di divisas.
Adjuntos
20191125_214242.png

Responder

Volver a “Noticias”