Página 1 de 1

FTA A PERDE REFERENDUM NA ALHAMBRA CASINO

Publicado: Dom Nov 24, 2019 8:19 pm
por admin
Despues di a defende interes di e trahadonan pa hopi aña, a perde representacion cu sindicato STA, awor FTA a opta pa bolbe midi su forsa den e casino, cu ta resorta bou di Divi Hotels. Tin 142 trahado cu derecho di voto, pa cual e sindicato tabatin mester di 72 voto ma fabor. El a logra solamente 69 y como tal STA mes ta sigui como e representante sindical di e trahadonan.

Hubert Dirks di FTA a sigura di a haya mas cu e cantidad necesario di formularionan yena di trahadonan dispuesto pa “switch”. Sinembargo, dia di e referendum mes na oficina di Mediador, ta solamente 70 trahado a participa, di cual 69 a vota na fabor di FTA.

“E ta un oportunidad benta afo” na opinion di Hubert Dirks di FTA. E lo mester warda por lo menos 6 luna prome cu e pidi pa un otro referendum, si acaso e apetit pa cambio crece bou di e trahadonan di e casino.